Download:

... und hier der Text zum Mitsingen:

Lautre oh mei Lautre

Im Herz vun de Palz leit mei Lautre:

die Stadt, vun der ich trääm.

Do wo ich gebor bin 

un wo die Leit so klor sin,

dort war ich mol dehääm.

Vun all denne weltberühmte Städte

han ich schun viel gesieh.

Doch die ganze Metropole 

kann wäh meer de Guggugg hole,

mich zieht's noh Lautre hie.

Lautre oh mei Lautre -

die Stadt, vun der ich trääm,

mei kläänie Großstadt in de Palz -

nur do bin ich dehääm.

Ich denk an mei Freunde in de Heimat

un mei alde Nochbersleit.

Die gehn als uff de Betze nuff

un machen ah mol ähner druff -

ich wollt, ich weer debei.

Ich weer so gern mol widder in Lautre,

do is es ganze Johr was los:

Musik, Theader, Kabarett

viel mäh als wie in annre Städt -

im Summer ah drauß uff de Strooß. 

Lautre oh mei Lautre -

die Stadt, vun der ich trääm,

mei kläänie Großstadt in de Palz -

nur do bin ich dehääm.

Jetz bin ich schun so viele Johr woannersch

un finn doch net mei Glick,

doch jetz wääß ich was ich mache duh:

ich pack mei siwwe Sache un

dann geht’s noh Lautre zurick!

Lautre oh mei Lautre -

die Stadt, vun der ich trääm,

mei kläänie Großstadt in de Palz -

nur do bin ich dehääm -

nur do bin ich dehääm.